ilhomjon – Донишкадаи политехникии Донишгоҳи техникии Тоҷикистон ба номи академик М.С.Осимӣ дар шаҳри Хуҷанд

ХУРСАНД СОДИҚЗОДА: 3 ИХТИСОСИ ДОНИШКАДА АЗ АККРЕДИТАТСИЯИ БАЙНАЛМИЛАЛӢ ГУЗАШТ

ilhomjon — Tue, 11 Aug 2026 17:20:30 +0000

Дар толори хурди Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд бо иштироки васеи рӯзноманигорон нишасти матбуотии ин муассисаи олии таълимӣ баргузор гардид. 
Директори донишкада Хурсанд Содиқзода доир ба ҷанбаҳои фаъолият дар нимсолаи аввали соли 2026 иттилоъ дода, аз ҷумла афзуд, ки аҳли ҷомеаи кормандону омӯзгорони Донишкадаи политехникии Донишгоҳи техникии Тоҷикистон ба номи академик М.С.Осимӣ дар шаҳри Хуҷанд фаъолияти худро баҳри иҷрои дастуру ҳидоятҳои Асосгузори сулҳу ваҳдати миллӣ – Пешвои муаззами миллат – Президенти Ҷумҳурии Тоҷикистон муҳтарам Эмомалӣ Раҳмон, Қарорҳои Ҳукумати Ҷумҳурии Тоҷикистон, стратегия  ва барномаҳои давлатӣ  дар самти илму маориф равона намуда, бо дастовардҳои назаррас ҷашни 35 –солагии пешвоз мегиранд. 
Иттилоъ дода шуд, ки сохтори Донишкада аз шурои олимон, 4 факултет, 14 кафедра, 2 раёсат (кадрҳо, коргузорӣ ва назорати иҷро; раёсати маъмурию хоҷагидорӣ), 5 марказ (бақайдгирӣ ва ташкили имтиҳонҳои тестӣ; рушди касбият; байналмилалӣ ва идораи лоиҳаҳо; технологияиҳои иттилоотӣ ва комуникатсионӣ; таҳсилоти фосилавӣ), шуъбаҳо (таълим; илм ва инноватсия; мониторинги сифати таҳсилот ва назорати электронӣ, идораи биноҳо ва таъмини бехатарӣ; сохтмон; тарбия ва кор бо ҷавонон; муҳосибот), нашрияи “Меҳвари дониш” шуъбаи иттилоот ва алоқа бо ВАО, парки технологӣ, бойгонӣ, китобхона, хобгоҳ ва литсейи Донишкада иборат мебошад.
Бояд қайд намуд, ки айни ҳол донишкада  аз рӯи 32 ихтисоси зинаи бакалавриат, 15 ихтисоси шакли таҳсили фосилавӣ ва 20 ихтисоси зинаи магистратура, 9 ихтисоси зинаи докторантура (PhD) аз рӯйи ихтисос, инчунин 13 курсҳои кӯтоҳмуддати омӯзишӣ мутахассисонро омода менамояд. 
Дар нимсолаи аввалми соли 2026 дар Донишкада аз рӯйи ҳамаи зинаи таҳсилот 3157 нафар донишҷӯён (буҷавӣ – 408, шартномавӣ – 2748 ва тибқи квотаи Президентӣ – 1 нафар) (594 нафар хатмкунанда) таҳсил мекунанд:
зинаи бакалавриат (рӯзона) – 3120 нафар, (495 хатм);
зинаи бакалавриат (фосилавӣ) – 579 нафар, (84 хатм аз он 50 дипломи аъло);
зинаи магистратура – 31 нафар, (12 хатм аз он 4 дипломи аъло); 
зинаи докторантураи PhD – 7 нафар, (3 хатм).
Боиси ифтихор ва сарфарозист, ки аз ин шумора – 268 нафар донишҷӯён стипендияи давлатии академиро соҳиб гардиданд. Дар баробари ин 2 нафар донишҷӯёни донишкада стипендияи Президентӣ, 9 нафари дигар стипендияҳои номии донишкада, 21 нафар cтипендия раиси вилояти Суғд ва 3 нафар стипендияи раиси шаҳри Хуҷандро шарафёб гардиданд.
Cоли ҷорӣ 594 нафар донишҷӯ муассисаро хатм намудаанд. Аз ин шумора 495 нафар дар шуъбаи рӯзона ва 84 нафар дар шуъбаи фосилавӣ 12 нафар зинаи таҳсилоти магистратура ва 3 нафар докторантура аз рӯйи ихтисос (PhD)-ро хатм намуданд. Ҳамзамон, 54 нафар донишҷӯ муассисаро бо дипломи аъло хатм кардаанд. 
Хурсанд Содиқзода афзуд, ки донишкада   соли ҷорӣ барои 5 ихтисоси нав барои дараҷаи бакалавр, 1 ихтисоси магистратура ва  барои  10 ихтисос дар зинаи бакалавриати шакли таҳсили фосилавӣ иҷозат гирифт, ки соҳиби иҷозатнома шуд.
Зикр гардид, ки яке аз дастовардҳои муҳим он аст, ки донишкада аввалин муассисаи таҳсилоти олии касбӣ дар Ҷумҳурии Тоҷикистон мебошад, ки аз соли 2020 қабули донишҷӯёнро ба зинаҳои бакалавриат ва магистратура аз рӯи ихтисоси 1-40 03 01 – Зеҳни сунъӣ оғоз намуд. Аввалин хатми магистрон аз рӯи ин ихтисос соли 2022 сурат гирифта, соли ҷорӣ нахустин хатмкунандагони зинаи бакалавр аз рӯи ихтисоси «Зеҳни сунъӣ» ба бозори меҳнат роҳ ёфтанд.
Бояд қайд намуд, шурӯъ аз соли 2020 кафедраи иқтисоди рақамӣ таъсис дода шуда, самти асосии корҳои илмӣ-тадқиқотии он таҳти роҳбарии н.и.ф.-м., дотсент Мақсудов Х.Т. дар мавзӯи «Истифода ва татбиқи алгоритмҳои зеҳни сунъӣ дар соҳаҳои мухталиф» амалӣ мегардад. Бо мақсади тақвияти корҳои илмӣ, омода намудани кадрҳои баландихтисос ва рушди таҳқиқоти зеҳни сунъӣ дар донишкада 2 маркази илмӣ таъсис дода шуда, фаъолияти худро оғоз намудаанд:
• Маркази инноватсионии ташаккули иқтидори зеҳнӣ;
• Маркази илмии таҳкими сармояи инсонӣ.
Дар кафедраи иқтисоди рақамӣ се озмоишгоҳи муосири технологияҳои иттилоотӣ таъсис ва бо компютерҳои муосири насли нав муҷаҳҳаз гардонида шуданд. Ин инфрасохтори муосир барои гузаронидани машғулиятҳои амалӣ аз фанҳои барномарезӣ, технологияҳои мултимедиявӣ, коркарди додаҳои калон (Big Data) ва омода намудани мутахассисон аз рӯйи ихтисоси «Зеҳни сунъӣ» имкониятҳои васеъ фароҳам меорад. Ҳамзамон, дар доираи рушди инфрасохтори инноватсионӣ, дар факултети технологияҳои рақамӣ таъсиси Маркази рушди моликияти зеҳнӣ ба нақша гирифта шудааст.
 Дар доираи татбиқи Стратегияи рушди «иқтисоди сабз» дар Ҷумҳурии Тоҷикистон барои солҳои 2023–2027 Донишкада ба омодасозии мутахассисони соҳаҳои энергетика, автоматика, технологияҳои иттилоотӣ ва нақлиёти муосир таваҷҷуҳи махсус зоҳир менамояд. Бо ин мақсад дар донишкада кафедраи таъминоти барқ ва автоматика фаъолият намуда, аз рӯйи ихтисосҳои Таъмини барқ, Ҳаракатдиҳандаҳои автоматии барқӣ, Технологияҳои иттилоотӣ дар системаҳои техникӣ ва Дастгоҳҳо ва низомҳои биотехникӣ ва тиббӣ мутахассисон омода менамояд. Ҳамзамон, дар кафедраи автомобилҳо ва идоракунӣ дар нақлиёт аз рӯйи ихтисоси Автомобилҳои барқӣ ва гибридӣ омодасозии кадрҳои соҳавӣ ба роҳ монда шудааст.
Бо мақсади баланд бардоштани сатҳи омодагии касбии донишҷӯён, кафедраҳо бо озмоишгоҳҳо ва синфхонаҳои муҷаҳҳази таълимӣ таъмин буда, машғулиятҳои назариявӣ ва амалӣ бо истифода аз технологияҳои муосир баргузор мегарданд. Ҳамзамон, омӯзгорон ва донишҷӯён дар самти самаранокии энергетикӣ, истифодаи манбаъҳои барқароршавандаи энергия, нақлиёти барқӣ ва технологияҳои инноватсионӣ корҳои илмӣ-тадқиқотӣ анҷом медиҳанд.
Фаъолияти донишкада дар ин самт ба омодасозии мутахассисони рақобатпазир, рушди технологияҳои сабз, истифодаи самараноки захираҳои энергетикӣ ва татбиқи ҳадафҳои Стратегияи рушди «иқтисоди сабз» дар Ҷумҳурии Тоҷикистон мусоидат менамояд.
Дар доираи татбиқи Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф қарори Ҳукумати Ҷумҳурии Тоҷикистон аз 30 июли соли 2020, №427 ва Нақшаи чорабиниҳои донишкада (аз 28 августи соли 2020, №1), дар солҳои 2020–2025 корҳои назаррас анҷом дода шуданд.
Пойгоҳи моддию техникии донишкада таҳким ёфта, шумораи озмоишгоҳҳо аз 34 ба 49 расонида шуд. Озмоишгоҳҳои нави зеҳни сунъӣ, технологияи молиявӣ ва дигар марказҳои таълимӣ таъсис дода шуда, бо таҷҳизоти муосир таъмин гардиданд. Дар соли ҷорӣ як озмошгоҳи физикаи умумӣ ва як озмоишгоҳ дар кафедраи сохтмон таҷҳизонида шуд.
Се барномаи таълимии «Иқтисодиёт ва идора дар корхона», «Технология ва низоми иттилоотӣ (дар иқтисодиёт)» ва «Таъмини барқ» аз аккредитатсияи байналмилалӣ гузашта, муҳлати эътибори шаҳодатномаҳои онҳо то 9 апрели соли 2031 муқаррар гардид. Ин натиҷа мавқеи донишкадаро дар фазои байналмилалии таҳсилот ва эътирофи сифати барномаҳо тақвият медиҳад.

Сипас аз ҷониби рӯзноманигорон Абдулҳамид Ҷӯраев, Нӯъмон Раҷабзода, Назокат Юсупова, Алишер Охунов, Шоира Салимова, Тахмина Аюбова ва дигарон доир ба фаъолияти таълимӣ, тарбиявӣ, илмӣ ва муносибатҳои байналхалқии донишкада, аз ҷумла иҷрои нақшаи қабул дар соли нави таҳсили 2026-2027, тадбирҳо бахшида ба рушди технологияи рақамӣ, иштироки донишҷӯён дар озмунҳои ҷумҳуриявӣ ва байналмилалӣ, ҳавасмандгардонии ғолибони олимпиадаҳо, таъмини ҷойи кор ба хатмкунандагон, дастгирии ятимон ва қишри осебпазири ҷомеа, ҷалби донишҷӯёни хориҷа ба донишкада, фаъолияти Парки технологӣ, таъсиси ихтисосҳои нав ва ғайраҳо саволҳо манзур гардида, аз ҷониби директори донишкада Хурсанд Содиқзода ҷавобҳои қаноатбахш дода шуд.
Бояд қайд намуд, ки дар ҷараёни нишасти матбуотӣ мудири шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд Тоҷибой Султонзода иштирок ва баромад намуд.
Шуъбаи иттилоот ва кор бо ВАО 

МАРОСИМИ ТАҚДИМИ БОТАНТАНАИ ДИПЛОМҲО БА ХАТМКУНАНДАГОНИ ДОНИШКАДА

ilhomjon — Mon, 03 Aug 2026 16:30:22 +0000

Дар Донишкадаи политехникии Донишгоҳи техникии Тоҷикистон ба номи академик М.Осимӣ дар шаҳри Хуҷанд маросими тақдими ботантанаи дипломҳо ба хатмкунандагон доир гардид.

Дар маросими дипломсупорӣ муовини Раиси вилояти Суғд, номзади илмҳои сиёсатшиносӣ,  Зуфар Исмоилзода,  сардори раёсати илм ва инноватсияи Вазорати маориф ва илми ҶТ Аҳмадҷон Раҳмонзода, сармутахасиси раёсати таҳсилоти олии касбӣ ва баъдидипломии Вазорати маориф ва илми Ҷумҳурии Тоҷикистон Қутбиддин Фатҳуллозода, HR-директори Гурӯҳи ширкатҳои LEGA, н.и.и. Тӯхтаев Тӯхтабой Муқимович, намояндагон аз ширкату корхонаҳои “Нексигол-мушовир”, ҶДММ “Фаровон”, “Далерон”, бонкҳои “Арванд”, “Эсхата”, “Тавҳид”, роҳбарият,  устодону хатмкунандагони донишкада ва волидайни хатмкунандагон ширкат варзиданд.

Директори донишкада Хурсанд Содиқзода чорабиниро ҳусни ифтитоҳ бахшида, аз ҷумла афзуд, ки дар сиёсати давлатии Ҷумҳурии Тоҷикистон соҳаи маориф яке аз самтҳои афзалиятнок ба ҳисоб меравад. Бо роҳбарии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон барои рушди илму маориф, тайёр намудани мутахассисони баландихтисос ва муҳайё намудани шароити мусоиди таълиму тарбия тадбирҳои муҳим амалӣ гардида истодаанд.

Донишкадаи мо ҳамчун яке аз муассисаҳои пешқадами таҳсилоти олии касбӣ дар самти омода намудани муҳандисон, иқтисодчиён, мутахассисони технологияҳои иттилоотӣ, энергетика, сохтмон, меъморӣ, нақлиёт ва дигар соҳаҳои муҳими иқтисоди миллӣ саҳми арзанда мегузорад. Мо ҳамеша мекӯшем, ки хатмкунандагони донишкада ба талаботи бозори меҳнат ҷавобгӯ буда, дорои дониш, малака ва ҷаҳонбинии муосир бошанд.

Иттилоъ дода шуд, ки соли ҷорӣ 594 нафар донишҷӯ муассисаро хатм намудаанд. Аз ин шумора 495 нафар дар шуъбаи рӯзона ва 84 нафар дар шуъбаи фосилавӣ 12 нафар зинаи таҳсилоти магистратура ва 3 нафар докторантура аз рӯйи ихтисос (PhD)-ро хатм намуданд. Ҳамзамон, 54 нафар донишҷӯ муассисаро бо дипломи аъло хатм кардаанд. 

Муовини Раиси вилояти Суғд, Зуфар Исмоилзода дар баромади худ зикр дошт, ки  Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳи ҷавононро ба сӯи қуллаҳои илму дониш, касбу ҳунар, бунёдкориву созандагӣ боз карданд. Аз ин рӯ, ҷавонон бояд бо нангу номуси миллӣ, ташаббусҳои шоиста, эҳсоси баланди ватандорӣ ба Модар-Ватани худ содиқона хизмат кунанд. Бо ифтихори баланд бояд қайд намуд, ки дар донишкада тамоми шароити илмомӯзиву иқдомоти муфид фароҳам оварда шудааст. Ин таваҷҷӯҳ пеш аз ҳама аз он далолат медиҳад, ки роҳбарияти донишкада сиёсати ҷавонпарваронаи Пешвои муаззами миллатро  бо фароҳам овардани шароити мусоид барои ҷавонон дар амал татбиқ менамоянд.

Дар ҷараёни чорабинӣ сардори раёсати илм ва инноватсияи Вазорати маориф ва илми ҶТ Аҳмадҷон Раҳмонзода, сармутахасиси раёсати таҳсилоти олии касбӣ ва баъдидипломии Вазорати маориф ва илми Ҷумҳурии Тоҷикистон Қутбиддин Фатҳуллозода, HR-директори Гурӯҳи ширкатҳои LEGA, н.и.и. Тӯхтабой Тӯхтаев, намояндагон аз ширкату корхонаҳои “Нексигол-мушовир”, ҶДММ “Фаровон”, “Далерон”, бонкҳои “Арванд”, “Эсхата”, “Тавҳид” ва дигарон баромад намуда, роҷеъ ба малака ва маҳорати баланди хатмкунандагони донишкада андешаронӣ намуданд.

Сипас дар вазъияти тантанавӣ ба хатмкунандагон диплом тақдим карда шуд.

Барномаи пуршукуҳи фарҳангӣ анҷомбахши чорабинӣ буд.

Шуъбаи иттилоот ва кор бо ВАО

ТАШРИФИ НАМОЯНДАГОНИ БАРНОМАИ ОЗУҚАВОРИИ ҶАҲОНӢ (БОҶ) ВА KOICA БА ДОНИШКАДА

ilhomjon — Mon, 03 Aug 2026 15:50:31 +0000

Намояндагони Агентии ҳамкории байналмилалии Корея (KOICA) ва Барномаи озуқавории ҷаҳонии Созмони Милали Муттаҳид (БОҶ) бо мақсади шиносоӣ бо фаъолияти гармхонаи таълимӣ-намоишии факултети муҳандисӣ-технологӣ ба Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд ташриф оварданд.

Ташриф дар доираи татбиқи лоиҳаи «Ҷалб намудани ҷавонони хоҷагиҳои фермерии хурд тавассути истифодаи технологияҳои кишоварзӣ барои беҳтар намудани амнияти озуқаворӣ ва занҷираи арзиши маҳсулот» баргузор гардид. Кооперативи ғайритиҷоратии «Сароб», ҳамчун иҷрокунандаи асосии лоиҳа, низ дар чорабинӣ фаъолона иштирок намуда, фаъолияти худро дар самти татбиқи технологияҳои муосири кишоварзӣ ва дастгирии ҷавонони деҳот муаррифӣ намуд.

Дар рафти боздид меҳмонон бо фаъолияти гармхонаи таълимӣ-намоишӣ, имкониятҳои омӯзишию тадқиқотӣ ва дастовардҳои донишкада дар самти рушди технологияҳои муосири кишоварзӣ аз наздик шинос шуданд.

Ҳамчунин вохӯрии расмии ҳайати меҳмонон бо директори донишкада, Хурсанд Содиқзода сурат гирифт. Зимни мулоқот масъалаҳои густариши ҳамкориҳои байналмилалӣ, рушди иқтидори илмӣ-тадқиқотӣ ва ҷалби сармоягузорӣ ба бахшҳои афзалиятноки донишкада баррасӣ шуданд.

Аз ҷониби роҳбарияти донишкада бо мақсади таҳкими ҳамкориҳои минбаъда ва ҷалби маблағгузории грантӣ ба намояндагони KOICA панҷ лоиҳаи нави инноватсионӣ пешниҳод гардиданд, ки ба самтҳои амнияти озуқаворӣ, технологияҳои рақамии кишоварзӣ, энергияи сабз, зеҳни сунъӣ дар маориф ва рушди занҷираи арзиши маҳсулот нигаронида шудаанд.

Меҳмонон ба имкониятҳои илмӣ-тадқиқотӣ ва инфрасохтори таълимии донишкада баҳои баланд дода, омодагии худро ҷиҳати баррасии имкониятҳои нави ҳамкорӣ ва татбиқи лоиҳаҳои муштарак иброз намуданд.

Роҳбарияти донишкада изҳори умедворӣ намуд, ки натиҷаҳои ин мулоқот барои густариши ҳамкориҳои байналмилалӣ, татбиқи лоиҳаҳои нав ва рушди устувори бахшҳои маориф, илм ва кишоварзии кишвар заминаи мусоид фароҳам меорад.

Шуъбаи иттилоот ва кор бо ВАО

ИШТИРОКИ ДОНИШКАДА ДАР РӮЗИ ФАРҲАНГИ ШАҲРИ ХУҶАНД ДАР ШАҲРИ ДУШАНБЕ

ilhomjon — Mon, 03 Aug 2026 15:45:32 +0000

Дар доираи сиёсати фарҳангпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон» ва тибқи нақшаи Ҳукумати Ҷумҳурии Тоҷикистон  чорабинии тантанавии «Рӯзи фарҳанги шаҳри Хуҷанд дар шаҳри Душанбе»  баргузор шуд, ки дар он устодони Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд фаъолона иштирок намуд.

Дар Боғи фарҳангию фароғатии «Боғи Садриддин Айнӣ»-и шаҳри Душанбе рӯзҳои фарҳангии шаҳри Хуҷанди вилояти Суғд бо шукуҳу шаҳомати хоса баргузор гардид, ки дар он Вазири тандурустӣ ва ҳифзи иҷтимои аҳолии Ҷумҳурии Тоҷикистон Ҷамолиддин Абдуллозода, муовини Раиси шаҳри Душанбе Одилзода Дилбар Раҳим, Раиси ноҳияи Исмоили Сомонӣ Қодирзода Руслан Раҷаб, Раиси шаҳри Хуҷанд Фирдавс Шарифзода ва дигар меҳмонону масъулин иштирок намуданд.

Дар доираи чорабинӣ Донишкада гӯшаи махсуси намоишии худро ташкил намуда, осори илмии устодону муҳаққиқон, дастовардҳои таълимӣ, корҳои эҷодии донишҷӯён, китобҳои тозанашр, ихтирооту навовариҳо ва имкониятҳои муосири таълимиро ба маърази тамошо гузошт.

Намоишгоҳи Донишкада мавриди таваҷҷуҳи намояндагони мақомоти давлатӣ, аҳли илму фарҳанг, зиёиён ва меҳмонони чорабинӣ қарор гирифта, онҳо бо дастовардҳои илмию таълимӣ, имкониятҳои таълимӣ ва фаъолияти густурдаи муассиса аз наздик шинос шуданд.

Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд фаъолона иштирок намуд ва ин чорабинии муҳими фарҳангӣ ба муаррифии имкониятҳои илмиву таълимии муассиса, таҳкими ҳамкориҳо, инчунин баланд бардоштани нуфузу мақоми он дар сатҳи ҷумҳурӣ мусоидат хоҳад кард.

Шуъбаи иттилоот ва кор бо ВАО

ИШТИРОК ДАР ДАР ҲАМОИШИ БАЙНАЛМИЛАЛИИ «QUALITY SYSTEMS IN MODERN AGRICULTURE: A PRACTICAL PERSPECTIVE»

ilhomjon — Mon, 03 Aug 2026 15:40:33 +0000

Дар доираи татбиқи Созишномаи ҳамкорӣ байни Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд ва ширкати Green Crops Polska (Ҷумҳурии Лаҳистон) намояндагони донишкада таҳти роҳбарии директори донишкада Хурсанд Содиқзода дар ҳамоиши байналмилалии «Quality Systems in Modern Agriculture: A Practical Perspective», ки рӯзҳои 12–17 июли соли 2026 дар Ҷумҳурии Лаҳистон баргузор гардид, иштироки фаъолона намуданд.

Дар ҷараёни кори конференсия намояндагони донишкада бо маърӯзаҳо баромад намуда, таҷрибаи муассисаро дар самти омодасозии мутахассисони касбӣ, рушди ҳамкориҳои байналмилалӣ ва татбиқи технологияҳои инноватсионӣ дар соҳаи кишоварзиро муаррифӣ карданд. 

Ҳамчунин, дар доираи чорабинӣ масъалаҳои таҳкими ҳамкориҳои илмӣ-таълимӣ, табодули таҷриба ва рушди иқтидори донишҷӯён дар шароити бозори муосири меҳнат мавриди баррасӣ қарор гирифтанд.

Бояд қайд намуд, ки иштироки намояндагони донишкада дар ин ҳамоиши бонуфуз қадами муҳим дар самти густариши робитаҳои байналмилалӣ ва рушди ҳамкориҳои минбаъда бо муассисаҳо ва ширкатҳои пешрафтаи аврупоӣ ба ҳисоб меравад.

Шуъбаи иттилоот ва кор бо ВАО

600 НАФАР ДОВТАЛАБ ИМТИҲОНОТИ ЭҶОДӢ ВА МАҲОРАТРО СУПОРИДАНД

ilhomjon — Sun, 12 Jul 2026 06:55:40 +0000

Дар Донишкадаи политехникии Донишгоҳи техникии Тоҷикистон ба номи академик М.С.Осимӣ дар шаҳри Хуҷанд аз санаи 3-8 июли соли равон имтиҳони эҷодӣ ва маҳорати махсуси (ИЭММ) маркази миллии тестии назди Президенти Ҷумҳурии Тоҷикистон барои зиёда аз 600 нафар довталабони ихтисосҳои 1690101-меъморӣ ва 11901010202-Дизайни дохили бино (интерьер) баргузор гардид. 

Дар доираи ИЭММ-и ихтисоси 1690101-меъморӣ кашидани каллаи гаҷӣ, фигураи геометрӣ ва нақшакашӣ ба назар гирифта шуда дар доираи  ИЭММ-и ихтисоси 11901010202-Дизайни дохили бино (интерьер) қаламкашӣ, расмкашӣ ва композитсия муайян карда шудааст. 

Зимни имтиҳон довталабон расму нақшаҳои гуногунро таҳия намуда, сатҳи дониш, қобилияти эҷодӣ ва маҳорати касбии худро нишон доданд. Корҳои пешниҳодшуда маҳорати онҳоро дар тасвири шаклҳо, риояи таносуб, дурнамо, таркиб  ва истифодаи дурусти воситаҳои графикӣ инъикос менамоянд.

Чунин санҷиш имкон медиҳад, ки қобилияти эҷодӣ, тафаккури фазоӣ, диққат ба ҷузъиёт ва малакаҳои тасвирии довталабон баҳогузорӣ карда шавад. Ин хусусиятҳо барои интихоби касби меъморӣ ва тарроҳӣ аҳаммияти калон дошта, яке аз шартҳои асосии фаъолияти муваффақонаи меъмор ё тарроҳи оянда ба ҳисоб мераванд.

Довталабон тавонистанд истеъдод ва маҳорати худро нишон дода натиҷаҳои беҳтаринро соҳиб шаванд.

Шуъбаи иттилоот ва кор бо ВАО

ИШТИРОКИ УСМОНХӮҶА НАСРУЛОЕВ ДАР УРДУГОҲИ ТОБИСТОНАИ БАЙНАЛМИЛАЛИИ МУАЛЛИМОНИ ҶАВОН

ilhomjon — Thu, 02 Jul 2026 02:45:46 +0000

Аз 22 то 26 июни соли 2026 сармутахассиси шуъбаи таълими Донишкадаи политехникии Донишгоҳи техникии Тоҷикистон ба номи академик М.С.Осимӣ дар шаҳри Хуҷанд, ҳамзамон намояндаи Иттифоқи касабаи кормандони маориф ва илми вилояти Суғд Усмонхӯҷа Насрулоев дар Урдугоҳи тобистонаи байналмилалии муаллимони ҷавон, ки дар минтақаи Бурабайи Ҷумҳурии Қазоқистон баргузор гардид, ширкат варзид.

Дар ин чорабинии бонуфуз намояндагони 6 кишвар – Қазоқистон, Озарбойҷон, Қирғизистон, Муғулистон, Ӯзбекистон ва Тоҷикистон гирд омада буданд.

Иштирокчиён аз дарсҳои назариявии профессорони варзидаро оид ба усулҳои нави таълим дар асри зеҳни сунъӣ ва саводнокии ҳуқуқӣ баҳрабардорӣ намуданд. Тренингҳои роҳбарӣ ва малакаҳои равоншиносӣ низ қисми муҳими барнома буданд.

 Омӯзгорони ҷавон инчунин аз Парки миллии табиии «Бурабай» боздид намуда, дар бозиҳои миллии «Union Cup» ширкат варзиданд.

Дар маросими расмии ифтитоҳӣ Раиси Федератсияи иттифоқҳои касабаи Ҷумҳурии Қазоқистон Сатибалди Даулеталин ба намояндаи Тоҷикистон таваҷҷуҳи хоса зоҳир кард.

Дар охири кори урдугоҳ ба ҳамаи иштирокчиён сертификати байналмилалӣ аз ҷониби Раиси Иттифоқи касабаи соҳавии маориф, илм ва таҳсилоти олии Қазоқистон Айгул Мукашева супорида шуд. 

Боиси ифтихор ва сарфарозист, ки устоди Донишкадаи политехникии Донишгоҳи техникии Тоҷикистон ба номи академик М.С.Осимӣ дар шаҳри Хуҷанд Усмонхӯҷа Насрулоев дар Урдугоҳи тобистонаи байналмилалии муаллимони ҷавон иштироки фаъолона намуда, Ҷумҳуриии Тоҷикистонро дар арсаи байналмилалӣ муаррифии шоиста намуд.

Шуъбаи иттилоот ва кор бо ВАО

БА ТАВАҶҶУҲИ ДОВТАЛАБОН!

ilhomjon — Thu, 02 Jul 2026 02:40:59 +0000

Санаи 3 июли соли 2026, соати 8:00 дар Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд имтиҳони қисми В -и дохилшавӣ, яъне имтиҳони эҷодӣ ва маҳорати махсус (ИЭММ)- барои ихтисоси 1690101-меъморӣ баргузор мегардад. 

Машварат (консультация) санаи 2 июли соли 2026  соати 9:00 дар синфхонаи  Д 302 гузаронида мешавад.

Телефон барои маълумоти иловагӣ: 929151002, 927526505, 926489400

БА ТАВАҶҶУҲИ ДОВТАЛАБОН!

ilhomjon — Thu, 02 Jul 2026 02:40:46 +0000

Санаи 8 июли соли 2026, соати 8:00 дар Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд имтиҳони қисми В -и дохилшавӣ, яъне имтиҳони эҷодӣ ва маҳорати махсус (ИЭММ)- барои ихтисоси 1901010202 -Дизайни дохили бино (интерйер) баргузор мегардад. 
Машварат (консультация) санаи 7 июл соати 9:00 дар синфхонаи  Д 302 гузаронида мешавад.

Телефон барои маълумоти иловагӣ: 929151002, 927526505, 926489400

ЭМОМАЛӢ РАҲМОН: «МАН БА ХОТИРИ ВАҲДАТИ МИЛЛӢ ВА ХОТИМАИ ҶАНГ ҶОНИ ХУДРО ФИДО МЕКУНАМ»

ilhomjon — Sat, 27 Jun 2026 11:55:47 +0000

Умри
неки човидон аз ваҳдат аст,

Шодии пиру ҷавон
аз ваҳдат аст.

Меҳани ободу
зебои маро,

Ифтихору
шаъну шон аз ваҳдат аст.

Ваҳдати миллӣ дар Тоҷикистон падидаи нодиру навест дар
таърихи навини мо, ки омӯзиши он ҳам барои дигарон ва ҳам барои таҳкиму
пешрафти ваҳдати худи тоҷикон хеле манфиат дарад ва ин сабақест шоиста дар
ҷодаи худшиносии миллӣ барои ҳам мо ва ҳам дигарон. Дар асоси ин сабақ метавон
бардоштҳое кард, ки чӣ омилҳое метавонанд як халқ, як қавму миллатро ба ваҳдат
расонанд. Таърихи муосири Тоҷикистони соҳибистиқлол саросар пур аз ибрат,
фидокорӣ, ранҷу заҳмат ва ҳикмату дарсҳои таърихист. Яке аз саҳифаҳои
фоҷиабортарини ин таърих, ҷанги таҳмилии шаҳрвандии солҳои 1992-1997 мебошад,
ки кишварро ба гирдоби нобудӣ кашид ва хатари парокандашавии миллат ва аз байн
рафтани давлатро ба миён овард. Аммо тавассути сиёсату раҳнамоии Пешвои
муаззами миллат муҳтарам Эмомалӣ Раҳмон, ин миллати ба азоб кашида аз вартаи нобудӣ
раҳонида шуда, ба сӯи Ваҳдати миллӣ ва рушду субот раҳсипор гардид.

Дар ҷаҳони муосир моделҳои гуногуни идоракунӣ вуҷуд
доранд, ки ҳар кадом дар шароити мушаххаси таърихӣ ва сиёсӣ шакл гирифтаанд.
Модели ваҳдатофарии муҳтарам Эмомалӣ Раҳмон таҷрибаи беназир дар минтақа ва
ҷаҳон маҳсуб мешавад, ки бо истифодаи омили ваҳдат, сулҳ ва таҳкими давлатдорӣ
тавонист ҷомеаи парокандаро ба як миллат ва як давлати воҳид табдил диҳад. Онро
метавон ҳамчун намунаи муосири идоракунии давлатҳои пасошӯравӣ муаррифӣ кард.

Ғояи ваҳдати миллӣ дар як марҳалаи тақдирсози таърихӣ
ҳамчун омили неруманди иттиҳоди ҷомеаи мо хизмати бузургу пурарзишро анҷом дод.
Имрӯз вақти он расидааст, ки омӯзиши ваҳдати миллӣ ба сифати унсури меҳварии
худшиносӣ ва тафаккури миллӣ ҳамаҷониба таҳқиқ ва тарғиб карда шавад. «Ман
ба хотири ваҳдати миллӣ ва хотимаи ҷанг ҷони худро фидо мекунам» — рамзи
ирода ва масъулияти Асосгузори сулҳу ваҳдати миллӣ – Пешвои миллат, Президенти
Ҷумҳурии Тоҷикистон муҳтарам буд, ки барои расонидани миллат аз парокандагӣ
ба сулҳ гардид. Ин суханон танҳо шиор набуданд.

Рӯзи Ваҳдати миллӣ барои ҳар як шаҳрванди Тоҷикистон на
танҳо як санаи таърихист, балки рамзи муқаддаси фидокорӣ ва иттиҳоди
миллӣ мебошад. Бинобар ин, ҳифзи ваҳдат, пос доштани сулҳ ва тақвияти худшиносии
миллӣ вазифаи муқаддаси ҳар як фарди бедордил ва ватанпараст мебошад. Танҳо бо
роҳи ваҳдат мо метавонем истиқлолро ҳифз намуда, Тоҷикистонро ба давлати
муосир, пешрафта ва соҳиби ҷойгоҳи шоиста дар арсаи ҷаҳон табдил диҳем.

Мавлонова Маърифат