Тибқи нақша чорабиниҳои Дoнишкaдaи пoлитеxникии Дoнишгoҳи теxникии Тoҷикиcтoн бa нoми aкaдемик М.C.Ocимӣ дap шaҳpи Xуҷaнд дар толори шурои олимони донишкада мизи мудаввар бо иштироки олимон, докторантон ва магистрантон дар мавзуи “Муаммоҳои омода намудани рисолаҳои илмӣ ба ҳимоя” бахшида ба 35 – солагии Истиқлолияти давлатии Ҷумҳурии Тоҷикистон ва Рӯзи илми тоҷик ташкил ва гузаронида шуд.

Дар оғоз муовини директори донишкада оид ба илм, инноватсия ва робитаҳои байналмиллалӣ н.и.к. Фарҳод Маҳмудӣ омӯзгорон, магистрантон ва докторантон (PhD) ба муносибати Рӯзи илми тоҷик самимона табрику таҳният намуда, доир ба мавзуъ баромади пурмуҳтаво ироа намуд. Ӯ дар суханронии худ ба саҳми арзишманди олимони тоҷик дар пешрафти илмҳои табиатшиносӣ, дақиқ ва риёзӣ таваҷҷуҳи махсус зоҳир намуда, аҳамияти рушди минбаъдаи илм ва татбиқи дастовардҳои он дар ҷомеаи муосирро таъкид кард.

Дар мизи мудаввар устоди донишкада доктори илмҳои техникӣ, дотсент Хуршед Худойбердиев дар мавзуи “Муаммоҳои омода намудани рисолаҳои илмӣ ба ҳимоя” баромад намуд. Дар рафти баромад аз марҳилаи интихоби номи мавзуи рисолаи илмӣ сар карда то тасдиқи он, ҷустуҷӯи мавзуи рисолаи илмӣ, сохтори рисолаи илмӣ, навиштани рисолаи илмӣ, пешниҳоди он ба шӯрои диссертатсионӣ тибқи дастурамал оид ба тартиби барасмиятдарории диссертатсия, автореферати диссертатсия ва дигар маводди илмӣ, ки аз тарафи Комиссияи олии аттестатсионии назди Президенти Ҷумҳурии Тоҷикистон тасдиқ шудааст, маълумот дода шуд.

Ба маърӯзачӣ аз ҷониби унвонҷӯён, докторантони PhD ва магистрантон саволҳо манзур гардида, ҷавобҳои қаноатбахш гирифта шуд.

Дар анҷоми мизи мудаввар таъкид шуд, ки бояд унвонҷуёну докторантони донишкада ҳар чи бештар ба илм машғул шаванд ва рисолаҳои илмии худро зудтар ҳимоя намоянд ва раёсати донишкада омода аст онҳоро ҳамаҷиҳата дастгирӣ намояд.

Шуъбаи иттилоот ва кор бо ВАО

Дар доираи шартномаи ҳамкории басташуда ва бо мақсади татбиқи ҳадафҳои стратегии Ҷумҳурии Тоҷикистон, аз ҷумла таъмини амнияти озуқаворӣ, дар Донишкадаи политехникии Донишгоҳи техникии Тоҷикистон дар шаҳри Хуҷанд лоиҳаи нави муштарак оғоз гардид. Лоиҳаи мазкур бо дастгирии молиявии KOICA амалӣ гардида, ба рушди кишоварзии устувор, ҷорӣ намудани технологияҳои инноватсионӣ ва баланд бардоштани сатҳи таълиму таҳқиқот равона шудааст.

Дар доираи ҳамин шартномаи ҳамкорӣ, директори кишварии Барномаи озуқавории ҷаҳонӣ дар Ҷумҳурии Тоҷикистон ҷаноби Саймон Холлема бо сафари корӣ ба донишкада ташриф овард. Дар ҷараёни сафар мулоқоти судманд бо директори донишкада Содиқзода Хурсанд Сафар баргузор гардид.

Зимни вохӯрӣ ҷонибҳо масъалаҳои таҳкими ҳамкориҳои дуҷониба, татбиқи самараноки шартномаи ҳамкорӣ ва роҳандозии лоиҳаҳои муштарак бо ҷалби шарикон, аз ҷумла Кооперативи Сароб мавриди баррасӣ қарор доданд. Таъкид гардид, ки ҳамкории сеҷониба бо дастгирии KOICA имкон медиҳад таҷрибаҳои пешқадам дар соҳаи кишоварзӣ ҷорӣ гардида, саҳми амалии донишҷӯён ва мутахассисон дар истеҳсолот бештар гардад.

Дар доираи шартномаи амалкунанда таъсиси гармхонаи инноватсионӣ дар назди донишкада ба нақша гирифта шудааст, ки бо дастгирии молиявии KOICA ва иштироки Кооперативи Сароб амалӣ гардида, ҳамчун пойгоҳи таълимӣ ва илмӣ барои донишҷӯён ва муҳаққиқон хизмат хоҳад кард.

Ҳамзамон, ҳайати Барномаи озуқавории ҷаҳонӣ бо фаъолияти илмии донишҷӯён шинос шуда, дар муаррифии корҳои инноватсионӣ, ихтироот ва дастовардҳои илмӣ иштирок намуданд. Инчунин, боздид аз қитъаи таълимӣ, ки барои амалисозии лоиҳаи гармхона пешбинӣ шудааст, анҷом дода шуд.

Қобили зикр аст, ки Барномаи озуқавории ҷаҳонӣ яке аз созмонҳои пешбари байналмилалӣ дар самти мубориза бо гуруснагӣ ва таъмини амнияти озуқаворӣ буда, дар ҳамкорӣ бо ҳукуматҳо, муассисаҳои илмӣ ва шарикони рушд лоиҳаҳои муҳими иҷтимоӣ ва иқтисодиро амалӣ менамояд. Ҳамзамон, KOICA ҳамчун яке аз донорҳои асосии байналмилалӣ дар татбиқи лоиҳаҳои рушд саҳми назаррас дошта, дастгирии молиявии он барои амалисозии ин иқдом аҳамияти калидӣ дорад.

Оғози ин лоиҳа дар доираи шартномаи ҳамкории басташуда бо дастгирии шарикони байналмилалӣ ва маҳаллӣ қадами муҳим дар самти таҳкими ҳамкориҳои байналмилалӣ, рушди иқтидори илмӣ-тадқиқотии донишкада ва саҳмгузорӣ дар таъмини амнияти озуқавории кишвар ба ҳисоб меравад.

Шуъбаи иттилоот ва кор бо ВАО

Дар факултети технологияҳои рақамии Донишкадаи политехникии Донишгоҳи техникии Тоҷикистон ба номи академик М.С. Осимӣ бахшида ба Рӯзи илми тоҷик семинари илмӣ дар мавзӯи «Нақши олимони тоҷик дар рушди илмҳои табиатшиносӣ, дақиқ ва риёзӣ» баргузор гардид.

Дар оғози семинар муовини декан оид ба таълим З. Раҳимзода омӯзгорон, магистрантон, докторантон (PhD) ва донишҷӯёнро ба муносибати Рӯзи илми тоҷик самимона табрику таҳният намуда, доир ба мавзӯи семинар баромади пурмуҳтаво ироа кард. Ӯ дар суханронии худ ба саҳми арзишманди олимони тоҷик дар пешрафти илмҳои табиатшиносӣ, дақиқ ва риёзӣ таваҷҷуҳи махсус зоҳир намуда, аҳамияти рушди минбаъдаи илм ва татбиқи дастовардҳои он дар ҷомеаи муосирро таъкид кард.

Дар идомаи семинар мудири кафедраи барномарезӣ ва низомҳои иттилоотӣ С. Ғуломнабиев, мудири кафедраи иқтисодиёти рақамӣ М. Усмонова, мудири кафедраи идораи молия Ш. Оқилҷонова, муовини декан оид ба таълим З. Раҳимзода З.Р. ва муовини декан оид ба тарбия М. Алиназарова бо маърӯзаҳои мухталиф, ҷолибу судманд баромад карданд.

Ҳамзамон, магистрантон, докторантон ва донишҷӯён низ фаъолона иштирок намуда, фикру мулоҳизаҳои худро иброз доштанд ва дар муҳокимаи мавзӯъҳои пешниҳодшуда саҳм гузоштанд.

Дар ҷараёни семинар масъалаҳои мубрами рушди илм, татбиқи технологияҳои рақамӣ, такмили раванди таълим ва баланд бардоштани сифати таҳсил мавриди баррасии амиқ қарор гирифтанд.

Семинар дар фазои созандаи илмӣ ва мубодилаи афкор баргузор гардида, барои таҳкими фаъолияти тадқиқотӣ, густариши ҷаҳонбинии илмӣ ва баланд бардоштани сатҳи донишҳои касбии омӯзгорон, магистрантон, докторантон ва донишҷӯён саҳми назаррас гузошт.

Шуъбаи иттилоот ва кор бо ВАО

Дар Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд бахшида ба Рӯзӣ илми тоҷик даври донишкадавии озмуни ҷумҳуриявии «Илм – фурӯғи маърифат» доир гардид. Чорабинии мазкур дар доираи амалисозии Барномаи давлатии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф (солҳои 2020-2040)» роҳандозӣ шуда, ба рушди тафаккури техникӣ, тавсеаи ҷаҳонбинии илмӣ ва дарёфти истеъдодҳои нав равона гардидааст.

Маросими ифтитоҳи озмунро муовини директор оид ба илм, инноватсия ва робитаҳои байналмиллалӣ н.и.к. Фарҳод Маҳмудӣ оғоз намуда, таъкид кард, ки чунин иқдомҳо барои ҷалби ҷавонон ба омӯзиши илмҳои табиатшиносӣ, дақиқ ва риёзӣ заминаи мусоид фароҳам меоранд. Озмун имкон медиҳад, ки сафи донишҷӯёни болаёқат ва олимони ҷавон афзоиш ёбад.

Озмун аз рӯйи номинатсияҳои математика, физика ва астрономия баргузор гардида боқимонда наминатсияҳо то 23.04.2026 ба назар гирифта шудааст.

Зикр гардид, ки озмуни «Илм – фурӯғи маърифат» таҳти сарпарастии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардида, ба эҳёи анъанаҳои илмию маърифатии миллӣ ва тарбияи насли наврасу ҷавон дар рӯҳияи донишандӯзӣ мусоидат мекунад.

Қобили зикр аст, ки дар солҳои қаблӣ низ донишҷӯёни донишкада дар озмуни мазкур натиҷаҳои хуб нишон дода, сазовори ҷойҳои намоён гардидаанд.

Дар фарҷом, ҳайати устодону кормандон ва донишҷӯёни донишгоҳ ба ҳамаи иштирокчиён барору муваффақият орзу намуда, изҳори боварӣ карданд, ки онҳо дар даврҳои минбаъдаи озмун низ сазовори ҷойҳои ифтихорӣ мегарданд.

Бояд қайд намуд, ки тибқи фармоиши директори Донишкада аз санаи 25 феврали соли 2026 барои баргузор намудани даври донишкадавӣ комиссияи махсус таъсис дода шуда, аз санаи 07 то 10 уми апрели соли равон сатҳи факултетӣ гузаронида шуд. Дар даври факултетӣ зиёда аз 400 нафар иштирок намуд ва 120 нафари онҳо ба даври донишкадавӣ роҳ ёфтанд.

Даври донишкадавии озмуни ҷумҳуриявии «Илм – фурӯғи маърифат» аз санаи 20.04.2026 оғоз ва то санаи 23.04.2026 даври донишкадавӣ идома меёбад.

Шуъбаи иттилоот ва кор бо ВАО

Дирӯз, санаи 20-уми апрели соли 2026, чун анъана дар Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд Ярмаркаи “Мутахассисони беҳтарин баргузор гардид.

Маврид ба зикр аст, ки баргузории маросими оммавии тақсимоти хатмкунандагон, мутахассисони беҳтарин, дар донишкада ба ҳукми анъана даромадааст. Ин тадбири муҳим ба хотири боз ҳам қавӣ намудани робитаи донишкада бо ташкилоту корхонаҳо роҳандозӣ гардида, барои таъмини ҷойи корӣ ба хатмкунандагон ва ҳамчунин интихоби кадрҳои болаёқат ба роҳбарони коргоҳҳо мусоидат менамояд.

Нахуст роҳбарияти донишкада ва меҳмонон аз дастовардҳои ширкату муаасисаҳо ва ташкилотҳо, ки дар чорабинӣ молу мавҳсулоти худро муаррифӣ намуданд аз назди шинос шуданд.

Дар маросими расмии чорабини директори ДПДТТ ба номи академик М. Осимӣ дар шаҳри Хуҷанд Хурсанд Содиқзода баромад намуда, аз ҷумла афзуд, ки дар сиёсати давлат ва Ҳукумати Ҷумҳурии Тоҷикистон омода намудани мутахассисони касбӣ ва фароҳам овардани ҷойҳои нави корӣ дар мадди аввал қарор дорад. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон борҳо дар баромадҳои худ таъкид медоранд, ки бобати фароҳам овардани ҷойи корӣ муассисаҳои таҳсилоти олӣ ва миёнаи касбӣ кӯшиш ба харҷ диҳанд.

Иттилоъ дода шуд, ки соли гузашта донишкадаро 683 нафар хатм карда, тибқи маълумотҳои оморӣ зиёда аз 96 фоизи хатмкунандагон сохиби ҷойи кори доимӣ гардиданд.

Аз он ҷумла, ҳамасола тариқи ярмакаи “Мутахассисони беҳтарин” зиёда аз 100 нафар хатмкунандагон соҳиби ҷойи корӣ мешаванд.

Соли равон донишкадаро 622 нафар, аз он ҷумла 522 нафар бакалавр, 10 нафар магистратура ва 90 нафар шуъбаи фосилавиро хатм хоҳанд кард.

Бояд қайд намуд, ки дар донишкада соли ҷорӣ ихтисосҳои нави ҷавобгу ба талаботи замони муосир ба монанди:

1. Дастгоҳҳо ва низомҳои биотехникӣ ва тиббӣ

2. Зеҳни сунъӣ

3. Истеҳсоли маҳсулот ва ташкили хӯроки умумӣ

4. Таълими касбӣ (аз рӯи самтҳо)

5. Логистика

6. Баҳисобгирии бухгалтерӣ таҳлил ва аудит

7. Аудит ва ревизия

8. Дизайни дохили бино

9. Автомобилҳои барқӣ ва гибридӣ

кушода шуда дар маҷмуъ миқдори умумии ихтисосҳо ба 32 адад расонида шуданд.

Директори донишкада афзуд, ки бо мақсади қавитар сохтани ҳамкорӣ бо ташкилоту муассисаҳо мо тасмим гирифтаем, ки бо роҳбарони ташкилоту корхонаҳо силсиламулоқотҳо доир намуда, барои пешравии кор, робитаҳоро мустаҳкам намоем. Зимни вохӯриҳо бо роҳбарони соҳаҳои кишоварзӣ, роҳу нақлиёт, маҳсулоти хӯрока, энергетика, сохтмон ва меъморӣ мушкиливу муаммоҳо гуфта шуд. Таъкид гардид, ки ҷараёни таҷрибаомӯзиҳо тақвият мехоҳад. Дар натиҷаи чунин ҳамкориҳо донишкада тавонист дар назди як қатор ташкилоту муассисаҳо, аз ҷумла корхонаи муштараки «Ҷавонӣ», коргоҳҳои «САТН», «Тиниал», «Фаровон», “Молия гурӯҳ”, “Далерон”, шабакаҳои барқии вилояти Суғд, филиали Суғдии Институти боғпарварию сабзавоткории Академияи илмҳои кишоварзии Тоҷикистон, ҷамъияти саҳҳомии «АРЗ-4», «Ассотсиатсияи АББАТ», кафедраҳои сайёри худро таъсис диҳад. Мо аз он изҳори қаноатмандӣ мекунем, ки бо коргоҳҳои истеҳсолии «Далерон», «Фаровон, «Файзи Расул», ширкатҳои сохтмонии «Тиниал», «Старпласт», “Лега”, бонкҳои «Имон Интернешнл», «Арванд», «Спитаменбонк», «Бонки Эсхата» «Бонки байналмилалӣ», Ҷаъмияти саҳомии “АРЗ -4”, корхонаҳои “Айтиран”, “Мутахассисони роҳи абрешим” робитаи хуби ҳамкорӣ дорем ва ин робитаи мо минбаъд низ бо дигар ташкилоту коргоҳҳо бештар хоҳад шуд.

Сипас Маъруф Алибоев, намояндаи Раёсати агнетии меҳнат ва шуғли аҳолии вилояти Суғд, Хуршед Темуров, мушовири директори донишкада ва дигарон баромад намуда, баргузории Ярмарка-Форуми “Интихоби мутахасисони арзанда” дар самти ба шуғли доимӣ фаро гирифтани хатмкунандагони донишкадаро фоли нек арзёбӣ намуда, зикр доштанд, ки ин тадбир баҳри иҷрои барномаву қарорҳои соҳавии Давлату Ҳукумати мамлакат муосидат хоҳад намуд. Зикр гардид, ки Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд сол аз сол вазъи пояи моддиву техникии худро беҳтар намудааст ва дар самти омода сохтани мутахассисони воқеан ҳам арзандаи соҳаҳо ва саҳм гузоштан ба чор ҳадафи стратегии мамлакат ҷаҳду талош дорад. Дар ин ҷода таъсиси озмоишгоҳҳои замонавӣ барои тақвияти дониши устодону донишҷӯён заминаи мусоид фароҳам овардааст.

Дар доираи баргузории Ярмаркаи “Мутахасисони беҳтарин” аз ҷониби ширкатҳои истеҳсолӣ бозии интерактивӣ ташкил гардида, ғолибон бо туҳфаҳои хотиравӣ қадршиносӣ шуданд.

Дар анҷоми чорабинӣ барои ҳамкории хуб, густариши робитаҳо ба роҳбарону масъулони чанде аз корхонаву ташкилотҳои вилоят Сипосномаи Раёсати Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд тақдим карда шуд.

Шуъбаи иттилоот ва кор бо ВАО

Дар Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд бо ташаббуси кафедраи математикаи олӣ ва физика ҳамоиши илмӣ-назариявӣ бахшида ба Ҳафтаи илми тоҷик оид ба мавзуи “БАЛАНД БАРДОШТАНИ СИФАТИ ТАЪЛИМИ ФАНҲОИ ТАББИӢ-РИЕЗӢ ВА ИСТИФОДАИ ВОСИТАҲОИ ТЕХНИКИЮ ИТТИЛООТӢ ДАР РАВАНДИ ТАЪЛИМ” баргузор гардид.

Дар ҳамоиш муовини директор оид ба илм, иноватсия ва робитаҳои байналмилалӣ Фарҳод Маҳмудӣ, мудири шуъбаи илм Матлуба Турсунова, декани факултет Шаҳзода Назирӣ, омӯзгорони кафедраи забонҳои хориҷӣ ва кафедраи математикаи олӣ ва физика ва як қатор донишҷӯён иштирок варзиданд.

Таъкид шуд, ки мақсади гузаронидани ҳамоиши илмӣ-назариявӣ ин баланд бардоштани сатҳу сифати таълим, бедор намудани шавқу рағбати донишҷӯён нисбат ба фанҳои дақиқ, баланд бардоштани маърифати илмии донишҷӯён мебошад.

Ҳамоиши илмӣ-назариявиро муовини директор оид ба илм, инноватсия ва робитаҳои байналмилалӣ Фарҳод Маҳмудӣ ҳусни оғоз бахшида, қайд намуд, ки гузаронидани чунин чорабиниҳо барои тайёр намудани мутахассисони баландихтисос муҳим мебошад. Ҳозиринро бо Ҳафтаи илми тоҷик табрик карда, ба кори семинар барору комёбӣ таманно намуд.

Мудири кафедраи математикаи олӣ ва физика Амон Раҳимов доир ба аҳамияти баргузории конфронс изҳори андеша намудаба кушодашавии ҳамоиши илмӣ-назариявӣ ибрози ақида намуда,

Ассистенти кафедраи математикаи олӣ ва физика Моҳинисо Раҳматова дар мавзӯйи “Истифодаи забони барномасозии Python дар раванди омӯзиши фанни геометрияи аналитикӣ дар фазо” баромад намуда, аз ҷумла қайд карданд, ки дар раванди дарс мо бештар ба замони муосир ва техникаю технология такя менамоем, то ин ки машғулият самаранок гузарад ва раванди таълим ба донишҷӯён шавқовартар гардад.

Сипас, донишҷӯёни курси 1-уми ихтисоси таъмини барномавии технологияи иттилоотӣ Фарангис Шерматова дар мавзуъи “Интеграл ва татбиқи он дар техника”, Ибодулло Ҳайдаров таҳти унвони “Использование программных средсв в изучении математических дисциплин” ва Фарҳод Камолов дар мавзуъи “Усули амсиласозӣ” баромадҳои илмӣ намуда, нақши калидии фанни математика дар ихтисосҳои техникиро тавсиф намуданд.

Ҳамзамон тибқи нақша чорабиниҳои Донишкада аз ҷониби кафедраи забонҳои хориҷӣ семинари илмӣ дар мавзӯи “АКТУАЛИЯТИ ЗАБОНҲОИ РУСӢ ВА АНГЛИСӢ ДАР ЗАМОНИ МУОСИР” баргузор гардид. Семинарро мудири кафедраи забонҳои хориҷӣ н.и.ф. Рухшона Аминҷонова ҳусни оғоз бахшида, аҳамияти илму донишро дар замони муосир таъкид намуд.

Декани факултети энергетика, н.и.и., Шаҳзода Назирӣ оид ба дастовардҳои илмии устодону шогирдони факултет маърӯза намуд.

Ҳамин тариқ, дар Донишкадаи политехникии Донишгоҳи техникии Тоҷикистон ба номи академик М.С. Осимӣ чорабиниҳо бахшида ба “Ҳафтаи илми тоҷик” дар сатҳи баланди илмию назариявӣ, дар муҳити эҳсоси ватандӯстӣ ва ғурури миллӣ, арҷгузорӣ ба фарҳанги ниёгон ва дастовардҳои бузурги олимони барҷастаи халқи тоҷик баргузор гардида истодааст.

Шуъбаи иттилоот ва кор бо ВАО

Санаи 15-уми апрели соли равон дар Донишкадаи политехникии Донишгоҳи техникии Тоҷикистон ба номи академик М.С.Осимӣ дар шаҳри Хуҷанд семинари илмӣ бахшида ба рӯзи мавлуди сардафтари адабиёти муосири тоҷик, Қаҳрамони Тоҷикистон Садриддин Сайидмуродзода Айнӣ таҳти унвони “Китоби тақдирсози миллат” баргузор кардид.

Семинар аз тарафи омӯзгорони кафедраи забони давлатӣ ва ҷомеашиносӣ номзади илмҳои филологӣ Муаттара Раҳматова ва омӯзгори калон, номзади илмҳои педагогӣ Хайринисо Темирова гузаронида шуд.

Муаттара Раҳматова, номзади илмҳои филологӣ дар ифтитоҳ семинар дар бораи ҳаёт ва фаъолияти Садриддин Сайидмуродзода Айнӣ — бунёдгузори адабиёти муосири тоҷик, нависанда, олим, академик ва нахустин Президенти Академияи илмҳои Тоҷикистон (1951—1954), Ходими хидматнишондодаи илми ҶШС Тоҷикистон, академики фахрии Академияи илмҳои ҶШС Ӯзбекистон, Қаҳрамони Тоҷикистон (1997) маълумоти мушаххас дод.

Иттилоъ дода шуд, ки «Намунаи адабиёти тоҷик»—нахустин асари бузурги адабиётшиносии Садриддин Айнӣ, ки байни 15 март — 12 октябри 1925 навишта шуда, соли 1926 дар Маскав дар нашриёти марказии халқҳои ИҶШС ба табъ расидааст.

Китоб бо муқаддимаи Абулқосим Лоҳутӣ бо номи «Садриддин Ай¬нӣ» ва «Сарсухан»-и мураттиб — Садриддин Айнӣ шурӯъ шуда, аз 3 қисм иборат аст. Асари «Намунаи адабиёти тоҷик» зоҳиран ба тазкира шабоҳат дошта бошад ҳам, аз рӯйи методологияи тадқиқ аз он комилан фарқ мекунад.

Дар «Намунаи адабиёти тоҷик» се қисми адабиётшиносӣ: назарияи адабиёт, таърихи адабиёт ва танқиди адабиро дарёфт кардан мумкин аст. Садриддин Айнй дар адабиётшиносии тоҷик нахустин касест, ки дар ин асар проблемаи таснифи давраҳои таърихи адабиётро ба миён гузошта, дар ин соҳа ба муҳаққиқони оянда роҳ кушод. «Намунаи адабиёти тоҷик» инчунин беасосии ақидаи баъзе шарқшиносони хориҷиро, ки адабиёти асрҳои 16—19 тоҷикро такрори адабиёти асрҳои 10—15 меномиданд, исбот намуд. Ин асар дар солҳои 20—30 чун китоби дарсии таърихи адабиёт дар роҳи Инқилоби маданӣ хизмати босазое кард, «Намунаи адабиёти тоҷик» баҳои баланди шарқшиносони маъруфи советӣ ва хориҷӣ, аз ҷумла В. Э. Бертелс, Бобоҷон Faфуров, Н. С. Брагинский, Саид Нафисӣ, Иржи Бечкаро сазовор гаштааст.

Семинар бо мубодилаи афкор анҷом пазируфт.

Шуъбаи иттилоот ва кор бо ВАО

Ба диққати ҳамаи донишҷуён, хатмкунандагон, шарикон ва ҳамкорони Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд расонида мешавад, ки санаи 20 апрел соати 10:00 дар Донишкада Ярмаркаи “Мутахассисони беҳтарин” баргузор мегардад.

Мақсади асосии ин чорабинӣ имконияти шоносоӣ бо корхонахо, ҷойҳои кории холӣ ва шиносоӣ бо дастовардҳои Донишкада мебошад.

Ҳамаи Шумоёнро дар чорабинӣ таклиф менамоем.

Марҳамат ба Донишкадаи политехникӣ!

Суроға: шаҳри Хуҷанд,

хиебони Исмоили Сомонӣ 226

+992 92 774 75 96

info@polytech.tj

Дар доираи рушди ҳамкориҳои мутақобилан судманди донишкада бо кооперативи машваратчии кишоварзии “Сароб” вохӯрии навбатӣ бо намояндагони кооператив баргузор гардид.

Дар ҷараёни боздиди навбатӣ, намояндагони “Сароб” ба факултетҳои муҳандисӣ-технологӣ ва технологияҳои рақамии донишкада ташриф оварда, бо донишҷӯён мулоқоти судманд анҷом доданд.

Зимни муаррифии презентатсионӣ, иштирокчиён бо самтҳои асосии фаъолияти кооператив шинос гардиданд, аз ҷумла: рушди устувори кишоварзӣ ва саҳми он дар иқтисодиёти деҳот; истифодаи технологияҳои муосир ва рақамӣ дар соҳаи кишоварзӣ; мутобиқшавӣ ба тағйирёбии иқлим ва татбиқи усулҳои инноватсионӣ; имкониятҳои омӯзиш, таҷрибаомӯзӣ ва дастгирии ҷавонон дар самти агробизнес ва ғайраҳо.

Таъкид гардид, ки “Сароб” ҳамчун як ташкилоти ботаҷриба дар самти баланд бардоштани иқтидори деҳқонон ва рушди занҷирҳои арзиш, барои ҷавонон имкониятҳои васеъ фароҳам меорад.

Вохӯрӣ дар фазои муколамаи озод баргузор гардида, донишҷӯён ба саволҳои худ посухҳои муфассал гирифтанд ва бо имкониятҳои ҳамкорӣ аз наздик шинос шуданд.

Метавон гуфт, ки ин ҳамкории судманд ба таҳкими робитаи байни илму амалия, баланд бардоштани малакаҳои касбии донишҷӯён ва омодасозии мутахассисони рақобатпазир мусоидат менамояд.

Қобили зикр аст, идомаи чунин мулоқотҳо дар доираи шартномаи ҳамкорӣ ба рушди минбаъдаи соҳа ва ҷалби ҷавонон ба фаъолиятҳои инноватсионӣ заминаи устувор мегузорад.

Шуъбаи иттилоот ва кор бо ВАО